Ogni giorne c'n'è ‘na nova
c'è chi perd e c'è chi trova,
c'è quei ch'mor e c'è quei ch'mazza,
ogg va par la mucca pazza.
I ne parla si giurnei
ch'i c'à fatt na burscia urmei
ch'la jariva fén ma i pid:
chi piagneva adess el rid.
Mucca pazza? Nò! A sem nó
a nun batta propi pió:
ma le vacch s'dà da magnè
na farena ch'dentra c'è
tutt i scart ch'vèn dal ciarvel,
i budei fraid d'n animel.
E pó dop a c'lamentem?
Ringraziem par cum a sem!
Da quant l'om s'è pres la cura
de gì contr'a la Natura
ne suced d'tutt'i culor
e in tel mond cresc el dulor.
Basta ch'piov na mulighena
e da mèn de na culèna
gió la t'vèn na lema d'tera
ch'l'an s'aferma e la sotera
tel pasagg ches e paes:
niscion scappa fora iles.
L'aqua sj argin di torent
passa sora e cum è gnent
quel ch'inconta via la spazza;
atrechè la mucca pazza!
A javem d'avé paura
dla vendetta dla Natura:
arturnem a fè j amigh
e vivem al mod dj intigh!
Marcello Martinelli
Per Stampare Questo Articolo
