Prema ancora ch'c'era el specch
invented dai nostre vecch
c'era gia' qualc'ambizios
ch'el s'guardeva tutt curios
sora l'acqua d'una pozza,
d'una secchia o d'na tinozza.
Un ch'Narciso se chiameva
tutt'el giorn el se specchieva
e el diceva "A so el piu' bel,
propi an c'né un'atre uguel!"
E l'ha fnid d'inamuress
de se stess, del su rifless.
La pasiòn l'è steda fort
da purtel fin a la mort.
Ogg d'Narciso c'né parecch:
dle ragazz davanti al specch
le sa ferma par'n'uchieda
per qualc'ora d'la giurneda.
Le se spnella sal belett,
le s'impiastra sal rusett
e le s'guarda s'le je bell,
s'le je stil cum le modell
e s'le' s'ved un po' bundant,
sa la cura dimagrant,
parchè el pes el vaga giò,
le va a fnì d'an magnè piò
e le fnisc t'na malattia
ch'la se chiema "noressia".
Senza incorgsce (è trist a dì)
le sta mel fin a murì.
Propi an c'è piò brutta sort
par bsè men truvè la mort.
Per salveli da st'andazz
co's'po' fè par s'tle ragazz
cle vò essa un figurén
secch sbrulid com'un stechén?
Bsognaria fei capì
ch'per ni bell an s'po murì,
sopratutt ch'le tnessa in ment
che quel ch'conta è i sentiment;
le n'avrìa piò da creda
che sia bell sol quell ch's'po' veda,
ch'la bellezza quella ch'centra
l'an'è fora: l'ai'è dentra!
E sperem c'artorna d'moda
Le ragazz de carna soda,
quant le donn piò ricerchéd
li era quelli "maggiored".
un'd'Pesre
|
Per Stampare Questo Articolo
