E' dventèda un'abitudin,
cum s'po' dì... 'na consuetudin
quéll d'avé curiosità
d'léggia el Spècch de la cità,
ogni més distribuìt
in t'le edicol e atre sit.
L'è un giornèl in dó che tutti,
ch'i sia bell o ch'i sia brutti,
i po' scriva un'opinión
opur dè d'le informazión
o anca scriva d'le poesì
opur s'j ha qualcò d'ardì
i po' metta gió d'le critich,
essa ironich o satirich
parchè el Spècch, senza tant gir,
el dà libertà d'pensìr
ch'el s'po' metta par iscritt
quand che en po' stè zitt.
Perciò tutti, giovne e vècch,
legé pur quél ch'c'è t'el Spècch!
Paolo Cappelloni
|
Per Stampare Questo Articolo
